(Note : Long interesting entry para sa akin, naaliw lang ako he he he)

Just this month kasi eh naglagay ako ng tool sa blog ko, ito yung tipo ng tool na malalaman kung anong IP Address ang uma-access sa blog ko, san sya galing bago sya dumapo sa blog ko, kung anong gamit niya, kung naka-ISP ba sya, DSL or kung ano mang provider ang gamit niya, web tracker ata tawag dun. Hindi naman ganun ka-extensive yung tool kasi medyo general yung ibinabato niya sa akin na data. Heniwei, ang nakakatuwa lang dito ay yung meron siyang parang keyword analysis. May mga tao kasi na nagsesearch sa google at yahoo search tapos napapadpad sila sa blog ko.

Hindi ko na nilagay yung mga links kasi malamang eh wala na yun, mabilis kasi magpalit ng popularity rate ang google at yahoo search, heniwei the picture you see below eh yung mga keyword searches na nagamit at napadpad ang mga ka-awa-awang mga nilalang sa aking blag. Ni-capture ko na lang siya.

Nakakatawa talaga, lalo na yung “top 10 na tawagan ng magkasintahan”, ala naman akong topic na ganun pero ewan at bakit blog ko ang ibinigay ng search sa kanya bwahaha, ngayon para naman hindi masayang ang pagdapo niya sa blog ko magbibigay ako ng idea.

1. Hon, Honey – Hekshuli, madalas marinig ang tawag na ito sa magkasintahan. Tawagan namin dati yan ng eks ko. Yoko na pahabain ba at baka may umiyak (cguradong ako yun he he he).
2. Sweetheart, T’heart (pronounced as thart), Sweety, Heart – may naaalala akong opism8 na madalas gumamit ng sweety, well sweet naman siya tsaka maganda boses. Kilala mo yun Jepoi.
3. Love, lab, luv, labiduds – I remember one time nagamit sa akin yung labiduds noong college pa ako. (ay mali duds lang pala ha ha ha)
4. Papsi, Mamsi, Papsa, Mamsa – madalas ginagamit ng magkasintahan na sundalo, AFP, PNP, Marines, Navy, Air Force, NPA, Rebelde, Alex Bongkayaw, Holdaper, Karnaper at si Manang na nagbebenta ng turon sa may amin.
5. Chuva, Chuvachuchu – Madalas ko naririnig na tawag ng shoki sa papa nila, una kong narinig ito kay Jolina Magdangal noong college pa ako ha ha ha.
6. Papa, Mama, Paps, Mommy, Daddy, Hub, Hubby – Sa magkasintahan na di pa kasal pero may anak na at nagsasama sa iisang bubong, madami nito sa lugar namin ha ha ha. Tapos maririnig mo kapag nag-aaway eh, Gago! Tarantado! Kupal! He he he (sorry, brutal na naman ako)
7.  Cupcake, Buttercup, Sugar – Di ko na alam yung iba eh, madami kasi ito na inirerelate ang tawagan sa isang matamis na bagay, almosts the same as honey pero mas maganda kasing tawagan ito, mas unique kumbaga. Mas kilala yung ganitong tawagan as code names. Minsan may naririnig din akong “Chocolate”, “Éclair”, at “Donut”. I was wondering kung ubrang gamitin ang “Pop Rice” at “Bukayo”, tutal matatamis naman din yun.
8. Mine, Yours Truly, My Lab, My Home, Soulmate, Mate – bihira ko itong marinig pero masarap pakinggan lalo na pag tinawag ka na ‘Mine’. Maalala ko nga pala, ang tawag ni Lulu kay Marco eh “You’re Mine”.
9. Pangit, Unggoy, Bruha, Damuhong atbp. – eto naman yung madalas na ginagamit ng iba, pero wag nyo masyado i-take seriously kasi although sinabihan ka ng ‘pangit’ or ‘unggoy’, isang way lang yun ng paglalambing. Pero kung ganun ang tawag sa iyo tapos nagngangalit ang kanyang mga ngipin at mata, tinitiyak kong totoo yun at hindi paglalambing.
10. Lucky, Heart, Piolo, Jericho, Sandy – eto naman yung madalas eh nirerelate nila yung kasintahan nila sa artista. Pede nyo din naman gamitin ang ibang artista katulad nina Dagul, Mahal, Mura at Dolphy.

O hayan, marahil madami pang iba pero di ko na maisip yung iba pang pwede itawag sa kasintahan. Pwede din i-relate sa punungkahoy gaya ng “Narra”, “Machete” at “Plywood” o di kaya eh “Ipil-Ipil”. Kung indi ka pa kuntento, iparehas mo na lang sa ibang bagay gaya ng “Aspalto”, “Yero” o di kaya “Imburnal”. Madami hekshuli, it’s up to you lang naman kung ano yung feel mo na itawag.

Meron din nagrere-search ng “Malilibog Na Gwapo”, o yeah! You’ve come to the right place my dear ha ha ha! Ay teka, hindi pala ako gwapo… malibog lang.. sorry ha ha ha!

Natawa din ako sa iba pang keywords na ginamit ha ha ha. Gaya na lang nung “Masama Ba Ang Manulot”, wahahaha!!! Masama yun pre!!! Hintayin mo na lang na mag-break sila tapos tsaka ka pumasok sa eksena. Heto pa isang keyword, “Ang Talambuhay Ni Nora Aunor”, gyahahaha!!! Kelan ko pa naging kamag-anak si Superstar??? Henaku! Ha ha ha, josme!

Eto pa matindi dyan, yung “Picture at Talambuhay ng mga bayani”, waw! Heavy dude! BAYANI!!! Ampness! Blog ni lukin, isang bayani! Malabong mangyari na ang isang ulirang utu-utong programmer ay maging isang bayani, mas malaki ang chance siguro na isang ulirang uto-utong programmer ay maging isang sawi sa pag-ibig (waaaaaahhhhh****).

Heto pa, “Paano pumupunta ang blood sa heart”, he he he, ewan. Pag may time siguro ako explain ko.